Matoqqasumik ullumi tallimanngornermi killisiuisoqarnissaa, unnerluussisussaatitaasup piumasariniarpaa. Assi: KNR

Angutit marluk hashimik nunatsinnut eqqussiniarsimasutut Aarhusimi eqqartuunneqartussanngortut

Angutit marluk ikiaroornartumik Danmarkimiit Kalaallit Nunaannut anngiortumik eqqusseriaraluartutut pasineqarput. Jyllandip kangisissortaani politiit taama ilisimatitsipput.

Taassuma saniatigut kokainimik Danmarkimi tuniniaasimasutut aamma pasineqarput.

Angutit marluk, aappaa 19-inik ukiulik, aappaalu 34-nik ukiulik, Københavnip timmisartoqarfissuani ippassaq sisamanngornermi tigusarineqarput, Aarhusimilu eqqartuussisoqarfimmut ullumi ullaap tungaani ulloqeqqanut qiteqquppat sassartinneqassallutik.

Angutit marluk taakku tigummigallagassannngortinneqarnissaat, unnerluussisussaatitaasup Lars Jørgen Petersenip piumasariniaraa naatsorsuutigineqarpoq.

Suliaq Særlig Efterforskning Vestimit paasiniaavigineqarpoq. Aaqqissuussamik pinerluttuliornerit, nunallu tamalaat akornanni pinerluttuliornerit, Særlig Efterforskning Vestimit misissuiffigineqartarput.

Inatsit tunngaviusoq naapertorlugu suli killisiuisoqanngimmat, pasineqartut ikiaroornartumik hashimik kokainimillu qanoq annertutigisumik anngiortumik eqqussiniarsimanngikkunik eqqussisimanersut, unnerluussisussaatitaasup ilisimatitsissutiginianngilaa.

Matoqqasumik ullumi tallimanngornermi killisiuisoqarnissaa, unnerluussisussaatitaasup piumasariniarpaa. Matut matoqqatillugit killisiuisoqarnissaa eqqartuussisup akuerissappagu, unnerluutigineqartut nassuiaatissaat tamanit tusaaneqarsinnaanavianngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat