Angutit inuusuttut pingasut ujaarineqarput

Nuummi politiit ujaasinerat ingerlateqqaassavarput. Aappaariit arfininngormat septembarip ulluisa 27-anni ullaassakkut pingasut qaangilaaraa katersortarfiup tunuatigoortillugit, angut 42-nik ukiulik saassunneqarpoq, nunamut uppiseriarlugu niaquagut timaagullu isimmitsarneqarluni.
septembarip 29-at 2008 11:42

Angutit inuusuttut saassussisuusut ajortulioreernermik kingorna katersortarfiup saavani bussit unittarfiata Kaistiinaaqqallu tungaanut qimaapput.

Ujaarineqartut tassaapput:

A: angut, 17-it missaannik ukioqassagunartoq, 170-175 centimeterinik angissusilik, tuattoq, nasartalimmik saamigut allagartalimmik tujuululik, tungujortumik koorbutut qarlilik.

B: angut, 18-it missaannik ukiulik, 175-180 centimerinik angissusilik, tuattoq, tujuuloraa nasartalik, saavagut allagartalik.

C: angut, 20-t 25-illu akornanni ukioqassagunartoq, 165-170 centimeterinik angissusilik, pualajaartoq, qaamasunik naatsunik nujalik, qenertumik saavagut allagartalimmik tujuulutik, koorbutut qarlilik.

Taaneqartut kikkuunerinik oqaatiginnissinnaasut Nuummi Politiinut saaffiginneqquneqarput, oqarasuaatip normoraa 32 14 48 – tassa 32 14 48.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq