SAR-imik suliaqartoqartoq: Angutit inuusuttut pingasut tuttunniarlutik tammartut - ataaseq ajunngitsoq nassaarineqarpoq

Angutit inuusuttut pingasut Paamiut Narsallu akornanni tuttunniarlutik aallarsimasut SAR-imik ippassaq suliaqartoqarneratigut ujaarineqalerput. Ataaseq ajunngitsoq nassaarineqarpoq.

Allattoq Emil Weis

aggustip 13-at 2026 11:15

Nutserisoq Medea Olsen

Angutit pingasut periarfeerunneqartut SAR-imik suliaqarnikkut pingasunngornermi nalunaaqutaq 14.30 ujaarineqalerput.

Angutit inuusuttut taakkua pingasut Paamiuniit Arsuk aqqusaarlugu Narsamut tuttunniarlutik angalasimapput, sapaammili kingullermik tutsaqarsimallutik.

- Umiatsiartut marluk ippassaq immikkut ujaasipput. Umiatsiartullu allat periarfeerunneqartut ilaat Sermiligaarsummi illuaqqami nassaaraat, Kalaallit Nunaanni Politiini sillimasut pisortaat Hans Peter Berthelsen oqaluttuarpoq.

Taanna ajunngitsoq nassaarineqarpoq maannalu napparsimmavimmiilluni.

Politiit periarfeerunneqartut allat marluk suli ujaaraat, SAR-miillu qulimiguulimmik mikisumik ujaaseqataasoqarpoq, SAR-imiillu qulimiguulik angisooq Kangerlussuarmit tikiutilerpoq, sillimasut pisortaat ilisimatitsivoq.

Silarlunnera pissutigalugu umiatsianit ujaasineq uniinnartariaqarsimavoq.

- Qanoq pisoqarsimanera suli paasilluanngilarput, angutilli nassaarineqartup oqaasii naapertorlugit sikumut aporsimapput, Hans Peter Berthelsen oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.