Angutit assammik arsarlutik nunanut allanut unammisartut danskit U21-nut unammilersut
Nuup timersortarfissuani unammisoqassaaq taakkulu sisamanngorneq unnukkut nalunaaqutaq 20.00, arfininngorneq sapaallu tamarmik nalunaaqutaq 15.00 pissapput.
Ukiut arlaqanngitsut qaangiuppata, danskit unammisartui arlallit inersimasut nunanut allanut unammisartuinut peqataalernissaat qularnanngilaq, akornaniipporlu Magnus Landin, angutit inersimasut nunanut allanut unammisartuisa mååliniittuanut Niklas Landinip qatanngutaa.
Kalaallillu aamma danskit unammisartui pitsaanersaasut unammisartuitut ingerlatsisut arlallit peqataassapput. Taakkunani ilaapput, Minik Dahl Høegh qatanngutigiillu Angutimmarik aamma Akutaaneq Kreutzmann. Danskinut unamminissanut malunnaataalluarnissaat ilimagineqarput.
- Piginnaanilittatta Danmarkimi unammisartunut pikkorinnerpaanut, aggustimi U21 VM-imut peqataanissartik tunngavigalugu maannakkorpiaq qaffasinnerpaamik sungiusartunut, naligisaminnut sanilliunnissaannut pissanganarluinnartumik periarfissaqassaagut, nunanut allanut sungiusaasoq Niels Møller taama allappoq.
Unamminerillu taakku aappaagu amerikap nunavittaani assammik arsarluni pissartanngorniunnernut angutitatta unamminissat ukua piareersaatigissagaat sungiusaasuata ilanngullugu nalunaarutigaa.
