Angutit arsaanneranni B-67 suli ingerlalluarpoq
B-67 Nuummiut Nuummioqatitik allat IT-79 3-0-imik ajugaaffigaat, taamaalillutillu Pulje 1-imi 6 pointeqqallutik siuttuulerlutik.
Iluliarmiut Nagdlunguak-48 Eqaluk-54-imut ippassaq 5-0-imik ajugaareerlutik pingasunik pointeqalerput. Taamaalillutillu N-48 Pulje 1-imi tullersortaalerput.
Målmandi anisitaavoq
NÛK Paamiormiunut Nagtoralimmut ippassaq unammineranni, NÛK-p målmandia, Arne Hansen arsaannermit anisitaavoq, tassa målit avaterujussuaniilluni arsaq assamminik attormagu. Tamatuma nalaani NÛK 1-0-mik siuaqqagaluarpoq, arsaannerulli naajartulernerani Nagtoralik isertitsivoq naligiilerlutik. Tassa 1-1.
Pulje 2-mi Uummannarmiut FC Malamuk siuttuupput, taakku ippassaq G-44 Qeqeertarsuarmiut, unammivaat, taakkulu naligiillutik tamarmik marlunnik isertitsipput.
G-44 pulje 2-mi maanna tullersortaapput, NÛK-mut sanilliullutik isertitaqarnerugamik.
Ullumi unammisussat
Ullumi ataatsinut siulliullutik Eqaluk-54 IT-79-lu unammissapput, pingasunut B-67 Nagdlunguak-1948-lu unammissapput, tallimanut Nagtoralik G-44-lu unammissapput, ullumilu kingullertut nalunaaqutaq arfineq marlunut FC Malamuk Nûk-lu unammissallutik, unamminerit tamarmik KNR-TV-kkut toqqaannaq aallakaatinneqassapput.
