Angutit arnanit eqqiluisaannginnersuupput

Angutit arnanit eqqiluuisaannginnerupput. Angutit perusuersareeraangamik assamik errornissaat puigortarpaat, tamannalu bakteerissat inalukkaneersut soorlu matut tigummiviini, pisiniarfinni kaasuartakkat tigummiviini bussini nikorfasut tigummiviini aningaasanilu tupannaannartumik amerlavallaartut nassaassaalernerannik kinguneqartarpoq.

Tamanna Norgemi peqqissaqarfimmiut napparsimmavinni eqqiluisaarneq pillugu misissuinerminni paasivaat.

Eqqiluisaarneq pillugu misissuinermi aamma paasineqarpoq arnat angutinit eqqiluisaarnerusut, perusuersareeraangamillu tamatigut assatik errortaraat.

Tassami arnat perusuersartarfiini matut tigummivii angutit perusuersartarfiini matut tigummiviinit 2000- teriaammik inalukkaneersunik bakteeriakinnerusarsimapput.

Norgemi eqqiluisaarneq pillugu misissunermi paasisat amerikami eqqiluisaarnikkut pissutsinut assut assigusut oqaatigineqarpoq.Amerikami tappiorannartulerisartut misissuineranni paasineqarpoq angutit timmisartunut ilaasut 31 procentii arnallu 21 procentii perusuersareeraangamik errorneq ajortut.