Angutip pineqaatissinneqarnissaa suliakkiuppaat
Maniitsup eqqartuussiviani eqqartuussinermi ullumi ingerlanneqartumi angutip 28-inik ukiullup illersuisuiata piumasarigaluarpaa angutip iperagaanissaa, unnerluussisulli piumasaraa angut tip taassumap tigummineqarnera sivitsussasoq, suliarlu nunatta eqqartuussivianut ingerlateqqinneqassasoq. Angut taanna Nuummi pineqaatissinneqarsimasut inissiisarfianniitinneqarpoq, nunatta eqqartuussiviata aalajangiinissaata tungaanut. Angut 28-inik ukiulik ukioq 2006-imi arnaatigisaminik persuttaanerata kingorna tarnimikkut nappaateqartut uninngavigisartagaannut killeqanngitsumik inissinneqarnissaanik eqqartuunneqarpoq.
Ukioq 2007 novemberip qaammataani tarnimikkut nappaateqartut uninngavigisartagannit Risskovimiittumit angerlartinneqarpoq, tamatumalu kingorna Nuummi napparsimavissuarmi tarnimikkut nappaateqartut uninngavigisartagaannut nuunneqarluni.
Jannuarip qaammataani siorna 2008-imi Maniitsumut uterpoq. Juunip qaammataata aallartisimalernerani arnaaatigisimasani persuttarpaa kiffaanngissusiiarlugulu. Maniitsumi politiit oqarnerat malillugu angut tarnimgut nappaateqarpoq, eqqarsartaatsimigullu akornuteqarnersoq mississuiffigineqarnissaa piumasariniarlugu.
Nunatta eqqartuussiviani suliaq juulip qaammataata ingerlanerani suliarineqassasoq, Maniitsumi politeeqarfiup pisortaa Eigil Lyberth radioavisiimut oqarpoq.