- Inuup namminissarsiorluni iliuuseqarnera naalagaaffitsinnut tamarmut imaannaanngitsumik inissiivoq, Steven Marshall oqarpoq.Assi: Stringer/Reuters/Ritzau Scanpix

Angutip ataatsip sallunera australiami nunap immikkoortuani matusinermik kinguneqartoq

Angutip pizzariamiissimanerminut sallunera South Australiap sapaatip akunnerani matuneqarneranik kinguneqarpoq.

Australiami nunap immikkoortuani South Australiami angutip ataatsip salluliornera pissutaalluni nunap immikkoortua taanna matuneqarpoq. Coronap ajornartoortitsinera pissutaalluni matusisoqarpoq, angutilli salluliornera pissutaalluni matusinermut atatillugu killilersuinerit ilimagisamit sukkanerusumik atuukkunnaarsinneqassapput.

South Australiami oqartussat tallimanngornermi taama nalunaaruteqarput.

Coronavirusip tuniluutilertornera akiorniarlugu innuttaasut angerlarsimaannarnissaat oqartussat kaammattuutigaat, killilersuinerilli sukkanerusumik atuukkunnaarsinneqarnissaat ullut marluk qaangiutiinnartut nalunaarutigineqarpoq.

Angutip pizzaarniarfiit ilaanni sulisup, nappaatip tuniluunneranut atatillugu tunillatsissimasinnaasunik ujartuisut salluliorfigisimagai paasineqartoq, South Australiap aqutsisuata Steven Marshallip tusagassiortunik ullumi tallimanngornermi oqaatigaa.

Angutip pineqartup pizzaarniarfiit ilaanni pizzasiniarsimanini oqaluttuarisimavaa, pizzaarniarfimmilu sulisuunini oqaluttuarisimanagu.

Piffissap sivikitsup ingerlanerani coronavirusimik tunillatsissimanissaa oqartussat ilimagisimavaat, naak coronavirusimik tunillatsissimasumik sivisuumik suleqateqarsimalluni.

Angutip salluliornera pissutaalluni oqartussat isumaqarsimagaluarput virusi tuniluutijasoq pineqartoq.

AAMMA ATUARUK Danskit nakorsaatinut aqutsisoqarfiat: Coronavirusimut akiuussutissamik akuerisamik apriiliutinnagu peqalerataannaavoq

- Angutip iliuuserisimasaasa ilungersunartuunerat oqaatigissagukku ingasaassinerussanngilaq, iliuuserisimasai akuersaarneqarsinnaanngilluinnarput, Steven Marshall oqarpoq, nangillunilu.

- Inuup namminissarsiorluni iliuuseqarnera naalagaaffitsinnut tamarmut imaannaanngitsumik inissiivoq.

Australiami nunap immikkoortuani sisamanngornermit ulluni sisamani matusisoqassasoq South Australiap pingasunngornermi nalunaarutigaa.

Matunissami coronavirusimipp tuniluunnerup inunnut katillugit 22-nut tunillaassuuttup unitsinniarsarinissaa tunngavilersuutigineqarpoq.

Aamma atuarfiit, imerniartarfiit, sutorniartarfiit ilisimatusarfiillu sisamanngornerup unnuaanit matupput. Aamma sanaartornermik suliaqartut siusinnerusukkut matusinermi ammaannarsinnaatinneqartut matuneqarlutik.

Naak nappaatip tuniluunnissaanut suli ernumasoqaraluartoq killilersuinerit pilersaarutigisamit atuukkunnaarsiaarneqarnissaat pilersaarutaavoq. Steven Marshall taama ilisimatitsivoq.

Angerlarsimaannaqqusinermut peqqussut arfininngornerup unnuaani atorunnaassaaq, suliffeqarfiillu amerlanerpaat ammaqqissinnaatinneqassallutik.

Tunillaassuunneq nutaaq inummut Tuluit Nunaannit utersimasumut atassuteqarpoq.

Tunillatsissimasut amerlassusaat ulluni tulliuttuni amerlinissaat naatsorsuutigineqarpoq, tunillaassuunnerli aallaqqaammut ernummatigineqartutulli ernumanartiginngilaq.

South Australia 1,8 millionit missaannik innuttaqarpoq.

/ritzau/Reuters

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat