Angutimmarik Kreutzmannip isertitsisarnini iluaqutiginialerpaa
Assammik arsartartup 19-inik ukiullip, Angutimmarik Kreutzmannip, nunarsuaq tamakkerlugu assammik arsarluni unammersuartoqarmat isertitsigajunnini pillugu tusaamaneqalersup, isertitsisarnini maannakkut iluaqutiginialerpaa.
Maannakkut ukiuni pingasuni atuuttussamik Danmark-imi klubi ilaasortaaffigisani, Bjerringbro-Silkeborg, isumaqatigiissuteqarfigalugu atsioqatigisimavaa.
Angutimmarik Kalaallit unammisartuini aalajangersimasumik inissisimavoq, Tysklandimilu Nunarsuarmiut assammik arsaallutik unammersuarne-ranni tupaallaatigineqaqisumik 49-nik isertitsivoq, taamaalilluni unammersuarnermi isertitsinerpaat qulingiluaattut inissilluni.
- Silkeborgimi najugaqarnera nuannareqaara, Silkeborgimilu unammisartuunerma saniatigut assammik arsarnermut tunngatillugu aamma atuartarlunga, tamanna assut nuannerpoq, taamaalillungalu siunissami assammik assartarninni angorusutakka ingerlappakka,
Angutimmarik Kreutzmann oqarpoq.
