Angut umiatsiaaqqamik ajunaartoq
Nunatta kujataani umiatsiaaqqamik ajutoortoqarnerani ataaseq ajunaarpoq ataaserlu annalluni.
Allattoq Mads Pedersen
aggustip 09-at 2017 10:43
Nutserisoq Connie Fontain
Angutit marluk 50-it missannik ukiullit Qassimiut qanittuani umiatsiartillutik kassuugunartumik apugaqarsimapput. Apornermi angutit imaanut erfagiussaasimapput. Kujallermi politiit aqutsisuat, Jack Nathansen KNR-imut taama paasissutissiivoq.
Qaqortumi Politiit marlunngornermi ullup qeqqata missaani ajutoortoqarneranik kalerrinneqareerlutik ajutoorfimmut ornigupput.
- Angut ataaseq ajunaarpoq ataaserlu annalluni, Jack Nathansen oqarpoq.
Umiatsiaaqqamik ajutoorfiup eqqaani allanik marlunnik umiatsiaqarneratigut angutip aappaa annaanneqarpoq. Angutilli aappaa annanneqarsinnaasimanngilaq.
Ajunaartumut ilaqutaasut kalerrinneqareerput.