Angut ukiuni tallimani pineqaatissinneqarpoq
Angut 40-t sinnerlugit ukiulik, upernaaq aprilip tallimaani arnaatiminik aallaallugu blok P-mi toqutsisimasutut, ukiuni tallimani pineqaatissinneqarsimasunut inissiisarfimmiittussanngorlugu tallimanngormat eqqartuunneqarpoq.
Allattoq Jens Thorin
Angut toqutsisimasutut eqqartuunneqarpoq. Pineqaatissiissut eqqartuunneqartup unnerluussisullu akueraat, eqqartuunneqartorlu pineqatissinneqarsimasunut inissiisarfimmiilereerpoq. Angut ukioq manna apriilip tallimaanili tigusarineqarpoq.
Taamanili inatsit tunngaviusoq najoqqutaralugu, angut arnaatiminik toqutsisimasutut pasineqarluni matoqqasumik killisiorneqarpoq.
Tamanna sioqqullugu, pasineqartup arnaatini toqussimallugu nassuereerpoq, oqarlunili taamaaliornissani siunertarisimanngikkaluarlugu.