Angutip toqutsisutut eqqartuussasup eqqartuussut Nunatta Eqqartuussisuuneqarfianut ingerlaannaq suliassanngortippaa, angutilli qaammatini arfinilinni pineqaatissinneqartup, suliassanngortitseqqissanerluni suli aalajaginngilaa.Assi: KNR

Angut toqutsisutut aserorterisutullu ukiuni arfineq marlunni pineqaatissillugu eqqartuussaasoq

Taanna aamma katersugaasivimmi aserorterisimaqisutut immiaaqqanillu karsinik marlunnik tillissimasutut pisuutinneqarpoq.

Angutit tyvikkuni ukioqartut marluk Eqqartuussisoqarfik Sermersuumi pisuutinneqarput. Aappaaa Tasiilami toqutsisutut aserorterisutullu, taavalu tamarmik tillinniaqatigiissimasutut eqqartuunneqarlutik.

Angut 42-nik ukioqartoq qiuleqisoq persuttarneqarsimasorlu oktobarip qulinganni ullaakkut nassaarineqarpoq, napparsimmavimmiitsiareersolu Islandimi napparsimmavissuarmut timmisartuuneqarpoq, ajoquserninili ullup tulliani toqqutigalugit.

Angut maanna toqutsisutut eqqartuussaasoq aamma toqutami oqarasuaataanik angallattakkamik tillissimasutut pisuutinneqarpoq.

AAMMA ATUARUK Angut toqusoq pillugu politiit ilisimasaqarsinnaasunik ujaasisut

Taanna aamma 700.000 koruunik sinneruligt nalilinnik ajoqusiilluni Ammassallip Katersugaasiviani asersorteringaarsimasutut pisuutinneqarpoq.

Angut taanna katersugaasivimmut aserorterinermini taarsiisussanngortinneqarpoq, soorluttaaq angutit allat marluk taarsiisussaareersut.

AAMMA ATUARUK Tasiilami inuit marluk aserorterisimasutut pasisat killisiorneqartut

Angulli alla amma tyvikkunni ukioqartoq eqqartuussivimmi unnerluutigineqarpoq. Taanna 42-nik ukiulimmik pinerlineqartumik ikiuisimanngitsutut pineqaatisinneqarsimasunut pinngitsoornani qaammatini arfinilinni inissiisarfimmiisssaaq.

- Angut tyvikkunni ukiulik isumaqanngitsumik toqutsineraripput aserortererujussuarnerarippullu eqqartuussiviup isumaqatigimmatigut naammagisimaarpara. Aamma inoqammik inuunermi ulorianartorsiortumik ikiortissarsiuuteqqaarnagu qimatsiinnartoqarsinnaanngitsoq eqqartuussisut paasinneqqusipput, unnerluussisussaatitaasuneersoq Nina Jessen oqarpoq.

Angutit marluk taakkua unnuami angummik 42-nik ukioqartumik persuttaaffigisaminni qitigiartarfimmi immiaaqqanik karsinik marlunnik tillissimasutut aamma pisuutinneqarput.

Angutip toqutsisutut eqqartuussasup eqqartuussut Nunatta Eqqartuussisuuneqarfianut ingerlaannaq suliassanngortippaa, angutilli qaammatini arfinilinni pineqaatissinneqartup, suliassanngortitseqqissanerluni suli aalajaginngilaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat