Inuit tallimat nannumit Svalbardimi 1971-imili maannamut toqunneqarsimapput.Assi: Smudge 9000/flickr

Angut tammaarsimaarfimmi nannumit saassunneqarluni toqutaasoq

Angut saassunneqartoq tammaarsimaarfimmi toqqit ilaanniissimasoq tusagassiortumit uppernarsarneqarpoq.

Angut Svalbardimi Longyearbyenimi nannumit toqunneqarsimavoq. Norgemi tusagassiorfik NRK taama allappoq.

Angut tammaarsimaarfimmi saassunneqarpoq. Angut saassunneqartoq tammaarsimaarfimmi toqqit ilaanniissimasoq, NRK-p Longyearbyenimi tusagassiortuata uppernarsarpaa.

Inuit arfinillit allat aamma tammaarsimaarfimmiittut napparsimmaviliaanneqarsimapput.

Aqqunartitersimanngillat, nakorsaniilli peqqisaasuniillu passunneqarlutik. Ajunaartoq takornariat allat ilagalugit tammaarsimaarfimmiissimavoq, napparsimmavimmullu apuunneqarmat toqusimasutut nalunaarutigineqarluni.

Politiit angutip nannumit saassunneqarneranik ullaassakkut nalunaaqutaq sisamanut tanneq qulinngortoq kalerrinneqarput.

- Inuk ataaseq nannup saassussinerani aqqunartitersimavoq, Norgemiut Svalbardimi aqutsisuat Sølvi Elvedahl oqarpoq.

- Nanoq aamma eqqarfigineqarsimasoq aamma ilisimatinneqarpugut, nanorli sumiinnersoq tassani ilisimatinneqanngilagut, Sølvi Elvedahl oqarpoq.

AAMMA ATUARUK Tyskip aallaannginnermini nanoq qimaatinniaqqaaraluaraa

Nannut Longyearbyenimut piffissami kingullermi qanillattortalersimapput.

Inuit tallimat nannumit Svalbardimi 1971-imili maannamut toqunneqarsimapput.

Kingullermik taama pisoqarmat 2011-mi pivoq, nukappiaraq 17-inik ukiulik nannumit taamanikkut toqunneqarluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat