Angut svenskiusoq Københavnimi qaartitsisimasutut tigusarineqarpoq
Sukumiisumik paasiniaaanerup Sverigemilu politeeqatinik suleqateqarnerup kingunerisaanik Københavnip politiivisa pinerluttuugunartoq tigusaraat ilutigalugulu sapaatip akunneranii kingullermi qaartitsinermut atatillugu alla ujartorneqartillugu.
Chefpolitiinspektøri Jørgen Bergen Skov Københavnip Politiivineersoq tusagassiortunik ataatsimiititsinermi pingasunngormat taama oqarpoq.
- Marluullutik Akileraartarnermut Aqutsisoqarfiup silataani qaartitsisimasutut pasineqarput, oqarpoq.
Angutip aappaa 22-nik ukiulik Malmømi marlunngormat tisugsarineqarpoq Danmarkimullu massakkut tunniunneqasssalluni.
LÆS OGSÅ Østerbromi qaartitsineq pillugu politiit 100-nit amerlanernik saaffigineqarsimapput
Angutip aappaa 23-nik ukiulik suli tigusarineqanngilaq, nunanili tamalaani massakkut ujartugarineqarluni.
- Aamma Sverigemi inigisat arlallit tamakkerlugit unnuaq misissorpavut. Taamaaliornitsinni biilit pinerluttunit atorneqarsimanerinut ilimagisavut arsaarinnissutigaavut, Jørgen Bergen Skov oqarpoq.
Politiit svenskinik taakkuninnga pasinnilersimanerat sumik tunngaveqarnersoq oqaatigiumanngilaa. Kisianni chefpolitiinspektøri oqarpoq politiit “sukumiisumik paasiniaasimasut”.
Akileraartarnermut Aqutsisoqarfimmit Københavnimi Nordhavnimi qimuttuitsut unittarfiata eqqaaniittumit tassanngaannaq sapaatip akunnerani kingullermi marlunngornikkut unnukkut qanngorujussuarpoq. Isertarfik qaartitsinermi aserorluinnarpoq.
Qujanartumik inunnik annertuumik ajoqusertoqanngilaq.