Angut Sisimiut eqqaani piniartilluni toqusoq
Piniartut sisamat Sisimiut eqqaanni tallimanngornermi septembarip 13-iani ullaassakkut ajutoorsimasut, Kalaallit Nunaanni Politiit ilisimatitsissutigaat.
Piniariat ikiortissarsiorlutik sianeramik angut ataaseq anersaartorniarnermigut ajornartorsiuteqanngikkuni toqusimanerarpaat.
Piniariat sisamat qulimiguulimmik aaneqapallapput.
Qulimiguulik sumiiffimmut apuummat angut 50-it sinnerlugit ukiulik toqusimavoq. Angutip kuliltemik toqquteqarsimanissaa politiit ilimagaat.
Politiit: Kissarsuutit mianersuunneqassapput
Sisimiuni politikommissæri Karl Jørgen Lennert taama oqaluttuarpoq.
- Angutip tupiani kissarsuummik toqunartuliortoqarsimagunarpoq. Piniariat pingasut sinneri aamma sunnertissimapput, Karl Jørgen Lennert oqarpoq.
Taassuma pisoq alianangaatsiarnerarpaa, maannalu silap nillernerulernerani tupertut kiassarniarnerminni atortorissaarutitik mianersorlutik atortassagaat kaammattuutigalugu.
- Atortorissaarutit tatiginarluinnartarnerat nalinginnaasuuvoq, matumanili pisutulli ajutoortoqaratarsinnaasarpoq, Karl Jørgen Lennert oqarpoq.