Angut Siriusikkut qimussersartuineersoq aqqunarsimasoq annaanneqarpoq

Sirius Patruljip qamutaasa ilaat, marlunnik qimussersoqarluni, Tunup sineriaani qeqertami Shannonimi sikup sinaavatigut meterinik sisamanik qatsitsigisumiit nakkarmat angutip aappaa ajoquserpoq.

Angut taanna tuimigut isikkamigullu ajoquserpoq, taamaattumillu ingerlariaqqissinnaanani. Angutit taakku marluk tamaani uniinnartariaqarput, ikiorsiisussanillu takkuttoqarnissaa utaqqiinnalerlugu.

Alapernaarsuut Triton, taamani Tunumiittoq, sikup sinaavani ajutoorfimmut ullut marluk qaangiummata aatsaat anguppoq, angutillu taakku marluk alapernaarsuutip qulimiguuliutaata sapaatiummat novembarip ulluisa 16-ianni aatsaat sumiissusersivai, aqqunarsimasorlu ingerlassinnaalerlugu.

Angut annaanneqartoq singerniiarsimavoq, Islandimilu napparsimmavimmi suliarineqareerpoq, Danmarkimullu ullumi timmisartuunneqassalluni.