Angut sikkussaasimasoq annaanneqartoq
Angutip umiatsiaararsortup Narsarsuup avataani sikkussaanini pillugu ingerlariaqqissinnaajunnaartoq marlunngornerup pingasunngornerullu akornanni unnuakkut annaanniarneqartariaqarsimavoq.
Arkivfoto
Allattoq Anton Gundersen Lihn
oktobarip 18-at 2018 09:28
Nutserisoq Mads Lynge
Issittumi Sakkutooqarfik ullaassakkut nalunaaqutaq sisamanut kalerrinneqarpoq, umiarsuarlu alapernaarsuut "Vædderen" taava umiatsiaararsortumut orniguppoq.
Umiatsiaaraq Narsamit Narsarsualiarpoq, Tunugdliarfimmili sikuunera pissutaalluni ingerlariaqqissinnaajunnaarsimalluni.
"Vædderen"-ip siku taava aserorterpaa, umiatsiaaqqamullu anngussinnaanngorluni. Angut qiulersoq alapernaarsuummut ikineqarpoq, umiatsiaararlu aamma qaqinneqarluni.
Angut Qaqortuliaanneqarpoq, umiatsiaararlumi singinneqarluni.
