Angut imminut toqunnissaminik siorasaarisinnarluni kingorna politiit tungaannut eqqalermat politiinit aallaaneqarpoq.Assi: Pressefoto/Rigspolitiet

Savalimmiut: Angut savalimmiuneersoq politiinut eqqaassisoq aallaaneqartoq

Savalimmiuni angut imminut toqunniarluni siorasaasorisoq tassanngaannartumik politiit tungaanut timmiarsiummik eqqalermat politiinit aallaaneqarpoq, angutilli qanoq innera suli nalunaarutigineqanngilaq.

Savalimmiuni angut politiinit aallaammik eqqorneqarsimasoq, Savalimmiuni politiit tusagassiutinut marlunngornermi nalunaarutigaat.

Politiit ataasinngornermi unnukkut nalunaaqutaq arfineq marlunut tanneq tallimanngortoq qeqertamut Vàgarimut aggersarneqarput, tamatumalu kingorna paasineqarpoq, angut najukkaminiittoq timmiarsiummik imminut toqunniarluni siorasaarisoq.

Angutip illumit anillatsinnissaa anguniarlugu politiit ilaqutaasut attaveqarfigaat, politiineersorlu ataaseq pisup nalaani isumaqatiginniartussatut aggersarneqarluni.

Angutilli tassanngaannartumik timmiarsiummik illuminit politiit tungaannut eqqalerpoq, politeerlu ataaseq amerlasuunit annikitsumik eqqorneqarpoq, tamatumalu kingorna politii angut allaavaat, kingornalu paasineqarpoq angut eqqorneqarsimasoq.

Angutip qanoq innera suli ilisimaqanngitsoq, Savalimminit politiit aamma nalunaarutigaat.

Suliamut atatillugu politiit iliuuserisaat paasiniarlugu Københavnimi politiit naalagaaffiullu politiivi ikiorsiullugit misissorneqartussanngorpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat