Angut saassunneqarluni alleruiartoq
Saassussineq Paamiuni illoqarfiup ilaani Aqqusinertami arfininngornermi ullaakkut arfineq-pingasut qulingiluallu akornanni pivoq. Saassussisoq, angut 22-nik ukiulik, ulluni 28-ni tigummigallagassanngorlugu Paamiuni eqqartuussivimmit aalajangiiffigineqarpoq. Angut taanna siornatigut assigusunik pinerluuteqartarnermigut aamma ilisimaneqarpoq.
Angut 46-nik ukiulik saassunneqarnermi kingorna alleruiaqqasoq Dronning Ingridip Napparsimavissuanut aallarunneqarpoq, Danmarkimilu Rigshospitalimut aallarunneqassanersoq tassani nakorsanit nalilerneqassasoq Paamiuni politiit oqaatigaat.
Saassussinermut suna peqqutaanersoq Paamiuni politiit suli oqaatigerusunngilaat.
Saassussinermut takunnissimasinnaasut Paamiuni politiinut attaveqaqqullugit kaammattorneqarput oqarasuaat 68 12 22.
