Angut qivittuusimagunartumit saassutsittoq
Nanortalimmi politiit eqqumiitsumik nalunaarutisipput. Angut utoqqasaaq qivittuusimagunartumik saassutsissimavoq.
Allattoq Louise M. Kleemann
Angut utoqqasaaq asimi kuannerniartilluni kinaanersumik paasinngisaminit innaarsukkut pissiffigitilluni sassutsissimalluni nassuiaavoq. Paaleraluarsinnarlutik angutip taassuma kinaanersoq paasinngisani qimaasoorutigisimavaa.
Saassutsinnini kingorna politiinut nalunaarutigaa. KNR-ip paasisai tunngavigalugit angutip saassussisoq qivittuunerarsimavaa. Taamaannersorli politiit uppernarsisinnaanngilaat.
- Suliaq pillugu qanoq iliussanerluta eqqarsaatigaarput, vicepolitimesteri, Morten Nielsen, oqarpoq.
Sassussineq Nanortallup Alluitsup Paatalu akornani pivoq.