Angut qiulluni toqusoq
Angut 54-nik ukiulik aqqusernup sinaani qiulluni toqungasoq, Tasiilami sapaammi ualikkut nassaarineqarpoq. Pisumut atatillugu ajortuliortoqarsimanngitsoq, politiit erseqqissatigaat.
Allattoq Nauja Møller
- 54-nik ukiulik aalakoorsimassangatinneqarpoq, piterarnermallu aqqusernup sinaaniit ingerlaqqissinnaasimassanani, politiit pisortaat Kristian Singertat oqarpoq.
Tallimanngornermiit sapaatip ullaava ilanngullugu Tasiilami piterarpoq.
- Politiini pigaartuusoq sianerfigineqaraangami ornigussinnaasarsimanngilaq persingaatsiartarnera isikkiveeruttarneralu pissutigalugit, Kristian Singertat oqarpoq.
Toqusumut ilaqutaasut ilisimatinneqareerput.