Angut qilersorneqarluni imaanut iginneqaraluarluni annappoq

Københavnimi politiit eqqumiitsorujussuarmik suliassaqalersimapput, angut 30-nik ukiulik Sydhavnimi Sjællandsbro-p sissaani ullaaq nassaarineqarmat. Angut nassaarineqartoq assaasigut isigaasigullu qilersorneqarsimavoq, taamaattorli immamiit paarmorluni angut qaqisinnaasimavoq.

Angut nassuiaavoq immamut inginneqarsimalluni tiimerpaalunnilu sissamiissimalluni. Qujanartumillu angut qilersorneqarsimavoq talii saavanut pisillugit, immamiilu nillertumiit paarmorluni qaqisinnaasimavoq.

- Politikommisær, Johnny Lundberg, oqaluttuarpoq;

- Naluarput qanoq pineqarsimanersoq, aatsaallu suneqarsimanersoq apersornialerparput, eqqaamasaqarsinnaappat. Neriuutigaarput suliassaq tassunga tunngasoq ingerlaqqissinnaassasoq.

- Angut ajoqusersimanngilaq. Soorunami taamatut pineqarsimanini tuppassutigisimaqaa. Imaaniissimaninilu nukillaanngassutigaa. Sulilu missorneqarallassaaq, Johnny Lundberg naggasiivoq.

Nassaarfiusoq politiit qimmilerlutik missorsimavaat,

paasissutaasinnaasunillu nassaarsimanatik. Suliaq toqutseriarnertut nalilerlugu misissuiffigineqarpoq.