Angut Qaqortumi tillinniaq politiinit tigusarineqarpoq
Qaqortumi tillinniartoqarneranut atatillugu Politiit misissuinerminni angut ataaseq tigusaraat.
Allattoq Ane-Marie Petersen, Thomas Munk Veirum
septembarip 02-at 2017 13:40
Qaqortumi aggustip ulluisa 30-ianni unnuagaa tillinniartoqarpoq, Politiillu ulluni kingullerni misissuinerminnut atatillugu angut 25-t missaanni ukiulik tigusaraat.
Angut sisamanngormat tigusarineqarpoq, Kujataanilu Eqqartuussisoqarfik Kujallermut tallimanngormat sassartinneqarnerani suliap misissuiffigineqarnerani tigummigallagassanngortinneqartoq, Politiit Kujallermi immikkoortortaqarfiani aqutsisoq Laila Fleischer paasissutissiivoq.
AAMMA ATUARUK Tillinniarnerit pillugit paasiniaarnermi politiit ikioqqusut
