Angut pulateriaarsummit kiineqartoq
Angut inuusuttoq unnuaanngikkuni ullaaq Nuummi pulateriaarsummit kiineqarpoq. Angut Nuummi inissiarsuit ilaanni blok 8-mi festereerluni ingerlatilluni majuartarfeqarfimmi siullermi pulateriaarsummit kiineqarpoq.
Angut kalaaleq 28-nik ukiulik festersimavoq putumangaatsiarsimallunilu. Blok 8-miit anigami pulateriaarsummit kiineqarsimavoq.
Sisamat eqqaani
Nakorsaq Palle Miliam radio aviisimut kalerriivoq, angut akunnerit marluk matuma siorna kiitissimanini pillugu isersimasoq, angutip kiitinnera toqunartoqarmat inuuneralu navianartorsiorsinnaammat pulateriaarsuk kimit pigineqarnersoq kalerriutigeqquaa.
Angut napparsimavimmut isermat kiitinneraniit akunnerit arfinillit qaangiutereersimapput. Angutip pulateriaarsummit kiitinnera pullattorujussuusoq oqaatigineqarpoq, nakorsaaserneqanngikkunilu aatsigut aanaartoornikkut toqussutigineqarsinnaasoq nakorsaq Palle Miliam ilisimatitsivoq.
Politiit Blok 8-mi pulateriaarsummut piginnittuusimasinnaasunik ujaasigaluarput sulili iluatsissimanngitsoq taavatsiaq politiinit ilisimatsinneqarpugut.
Inuit pulateriaarsummik ilisimannissimasinnaasut oqarasuaammut uunga kalerreeqquneqarput: 32 14 48.
