Nunanit allanit

Angut pingitsaaliisimasutut toqutseriarsimasutullu pasineqartoq

Arnaq 38-nik ukiulik timersuutigalugu arpannermini saassunneqarsimavoq. Arnaq allunaasamik qimeriarneqarsimavoq pinngitsaalineqarsimallunilu. Pasineqartoq 29-inik ukiulik kalaaliusoq Københavnimi politiit KNR-imut ilisimatitsissutigaat.

Allattoq Ritzau

aggustip 17-at 2016 13:15

Nutserisoq Erna Lynge

Københavnimi Dommervagtenimi angut kalaaleq 29-nik ukiulik inatsit tunngaviusoq naapertorlugu ullumi pingasunngornermi killisiorneqareerluni sapaatit akunnerini sisamani tigummigallagassanngortinneqarsimavoq, arnamik 38-nik ukiulimmik toqutseriarsimasutut pinngitsaalillugulu atoqateqarsimasutut pasineqarluni.

Arnaq 38-nik ukiulik marlunngornermi ullaaralaakkut Østerbromi arpatsilluni saassunneqarpoq pinngitsaalillunilu arneriffigineqarluni.

Saassunneqarnermini politiit unnerluussutaat naapertorlugu allunaasamik qimiuserneqarsimavoq.

Angut 29-nik ukiulik pingasunngornerup unnuaani tigusarineqarpoq inatsillu tunngaviusoq naapertorlugu killisiorneqarluni.

Angut toqutseriartutut pinngitsaaliisimasutullu pasineqartoq pinngitsuunerarsimasoq illersuisuata oqaatigaa. Tigummigallagassanngortinneqarnerali maalaarutigineqanngilaq.

Arnaq 38-nik ukiulik marlunngornermi ullaaralaakkut anigami angerlaqqissimanngilaq. Ualikkulli aatsaat nassaarineqarsimalluni. Nassaarineqarami inuunerminik ulorianartorsiorsimasoq massakkuli ulorianartorsiunngitsoq politiit ilisimatitsipput.

Angut pasineqartoq politiit pingasunngornerup unnuaani politiit suliniapallanneranni nalunaaqutaq pingasut missaani tigusarineqarsimavoq.

/ritzau/

Angut pingitsaaliisimasutut toqutseriarsimasutullu pasineqartoq

Aamma atuaruk