Jens Kruse pineqaatissinneqarsimasunut inissiisarfimmit aappassaanik arfininngornerup unnuaani qimaavoq. Assi: KNR

Angut pineqaatissinneqarsimasunut Ilulissani inissiisarfimmit qimaaqqittoq nassaarineqaqqippoq

Angut 40-nik ukiulik pineqaatissinneqarsimasunut inissiisarfimmit arfininngornerup unnuaani qimaasimavoq. Tassanngaanniit aappassaanik sapaatit akunnerata ataatsip ingerlanerani qimaavoq.

40-nik ukiulik, Jens Kruse nassaarineqaqqippoq. Ilulissani innuttaasumit ilisimatitsisoqarneratigut nassaarineqarpoq nalunaaqutarlu 15.45 tigusarineqarluni pineqaatissinneqarsimasunut inissiisarfimmut utertinneqarpoq.

Taanna Ilulissani pineqaatissinneqarsimasunut inissiisarfimmit arfininngornerup unnuaani qimaavoq.

Jens Kruse aatsaat qimaananilu politiinit aatsaat ujaarineqalinngilaq. Taannami inissiisarfimmit sapaatit akunnerata siuliani oktobarip ulluisa qulinganni qimaalluni ulloq unnuarlu peqanngereerluni nammineq uterpoq. 

Jens Kruse inissiisarfimmi matoqqasumiittuunngitsut allat assigalugit akuerineqarluni anisinnaavoq. 

Killisiorneqarumaartoq

Inissiisarfimmi matoqqasumiittuunngitsut unnukkumiit ullaap tungaanut aneqqusaasanngillat. Immikkut akuerineqarsimagaangamik suliartorlutik anisinnaasarput. Jens Kruseli arfinngornerup unnuaani sulisussaasimanngilaq, aninissaminulluunniit akuerisaasimanani. Taamaammat qimaasutut isigineqarpoq.

Taamaliornerlu qimaasup nassaarineqaruni killisiugaaneranik kinguneqartartoq, Pinerluttunik Isumaginnittoqarfiup pisortaa, Naaja Nathanielsen oqarpoq.

AAMMA ATUARUK Angut Ilulissani pineqaatissinneqarsimasunut inissiisarfimmit qimaasoq

- Tamanna qimaasumut kinguneqartinneqarataannaavoq. Qimaasoq qanoq sivisutigisumik peqanngissimanersoq, pinerluuteqaqqissimanersoq imigassartorsimanersorluunniit apeqqutaavoq, taanna oqarpoq.

Qimaasimasup ullut inissiisarfimmiiffiginngisani pillaatisissutigiumarai qularnanngilaq.

Naatsuaqqanik nujaqarlunilu tuattuusoq

Qimaasimasut inissiisarfimmi inimut kisimiiffissamut immikkut aamma inissinneqaratarsinnaasarput. Aamma sulinermut akuersissuteqarunik akuersissummik arsaagaasinnaapput. 

Sakkortunerpaamilluunniit aamma kinguneqartitsiviusinnaapput: Tassa inissiisarfiit ammasut inissinneqarsimasup Nuummi matoqqasumut nuutsinneqarnissaa inassutigisinnaavaat.

Pineqaatissinneqarsimasunut inissiisarfimmiit qimaasumut tigummigallagaasumullu soorlu anngiussilluni inisimmavissiilluniluunniit ikiuunneq inatsisinik unioqqutitsisimasutut eqqartuussaanermik kinguneqarsinnaasoq, Kalaallit Nunaanni Politiit ilisimatitsissutigaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat