Angut persuttarneqarujussuarsimavoq

Nuummi angutit inuusuttut marluk sapaatip- akunnerata naanerani unataasimanermi kingorna, inatsit tunngaviusoq naapertorlugu killisiorneqarput, sapaatillu-akunneri sisamat tigummigallagassanngortinneqarlutik.

Angutit inuusuttut marluk 18-inik 24-inillu ukiullit unnerluunneqatigaat, tallimanngormat Nuummi inissiarsuup blok P-p majuartarfeqarfiani 38-nik ukiulimmik persuttaasimanertik.

Angut 38-nik ukiulik persuttarneqarujussuarsimavoq, niaqqumigullu ikiligaarujussuarsimagami ilisimanngitsoq nassaarineqarpoq, qingaalu marloriarlugu napineqarsimalluni.

Angutit inuusuttut persuttaanerarneqartut pisuunnginnerarsimanerat tunngavigalugu,

eqqartuussivimmi killisiorneqarnerat nunatta eqqartuussivianut suliareqqitassanngortinneqaraluarpoq itigartitsissutigineqarlunili.

Angutit taakku marluk takunnittuusimasunit ilisarineqarput, tigusarineqaramillu atisaat aamma aattaqarsimallutik.

Taamatuttaaq persuttarneqarsimasup maanna ilisimmareersimasup angutit taakku marluk persuttaasimasutut oqaatigisimagai, Nuummi politeeqarfimmiit Bent Heiselbergip oqaatigaa.

Persuttaanermut suna peqqutaasimasinnaanersoq Politiit suli paasinngilaat.