Angut inuusuttoq Nuummi imigassanik aalakoornartortalinnik tuniniaasinnaatitaanngitsoq politiinit akiligassinneqartoq. Assi toqqorsivimmit.

Angut Nuummi unioqqutitsilluni baajarniarsimasutut 15.000 koruuninik akiligassinneqartoq

Angut Nuummi unioqqutitsilluni baajanik 70-inik tunisisimasutut akiligassinneqartoq.

Angut Nuummi innuttaasunut baajat 70-it tuniniasoq politiinit naammattoorneqarami akiligassinneqangaatsiarpoq.

Pineqartoq 20-it aallertilaarneranni ukioqartoq, politiinit naammattoorneqarami biilimi iluani baajanik 50-inik tuniniagassaminik uninngasuuteqarpoq.

Taamaliorneranut 15.000 koruuninik akiligassinneqartoq, politiit tusagassiutinut nalunaaruteqarput.

AAMMA ATUARUK Pisisartut imigassamik matusinermut: Kingunerlutsitsisoqarsinnaavoq, eqqissiviilliortoqalissaaq - isumatusaarneruvorlu

Baajaarniaq arfininngornerup ullaap tungaani, tassalu Naalakkersuisut imigassanik aalakoornartortalinnik tuniniaanermik mattussinnginneranni, naammattoorneqarpoq.

Nuummi, Kapisilinni Qeqertarsuatsiaanilu imigassat 2,25 procentimit kimittunerusumik aalakoornartortallit arfininngornerup unnukkut matuneqarput.

Politiit erseqqissaatigaat inuinnaat akuersissutisisimanngikkunik imigassanik tuniniaaqqusaanngitsut.

- Nuummi imigassanik aalakoornartortalinnik tuniniaaneq inerteqqutaavoq tamannalu nakkutigilluarparput, aamma inuinnarni tamanna inerteqqutaavoq.

- Nittartakkakkut naapeqatigiittarfikkut tuniniaanerit aamma eqqumaffigaavut, Kalaallit Nunaanni politiini unnerluussisussaatitaasuuneq Morten Nielsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat