Angut Nuummi Iggiaani toqutsisimasutut unnerluutigineqartoq

Angut Nuummi Iggiaani angummik allamik ukioq manna marsimi toqutsisimasutut pasineqarluni unnerluutigineqarpoq. Eqqartuunneqarnera Eqqartuussisoqarfik Sermersuumi decembarip 17-iani 18-ianilu pissaaq.
Allattoq Anton Gundersen Lihn
decembarip 06-at 2018 10:36
Nutserisoq Simon Uldum

Angut toqungasoq Nuummi Iggiaani Pub Nuannip ungasinngisaani marsip 29-ani nassaarineqarpoq. Angullu angummik pineqartumik toqutsisimasutut pasineqarluni aqaguani tigusarineqarpoq.

Angut unnerluutigineqartoq decembarip 17-iani 18-ianilu eqqartuunneqassaaq.

AAMMA ATUARUK Toqutsisimasutut unnerluutigineqartoq ulluni 26-ni tigummigallagaasussanngorpoq

Politiit misissuinerat naapertorlugu unnerluutigineqartup angut imminut illersoriarsinnaajunnaarnissaata tungaanut 94-eriarlugu isimmittarsimavaa tukkarlugulu.

Unnerluussummi aamma atuarneqarsinnaavoq angut qaratsamigut aanaartoorsimanermi kingorna talliminik talerperlermik nissuminillu talerperlermik tamakkiisumik aqutsisinnaajunnaarsimasoq kiisalu balanceqarniarnermigut ajornartorsiuteqartoq.

Angut isimmittarneqareerami sissamut uniarneqarpoq, immamullu nakkarteriarlugu ipinissaata tungaanut immap iluaniiginnarnissaa saassussisup qulakkeersimallugu, politiit unnerluussummi allapput.

AAMMA ATUARUK Politiit toqutsinermut atatillugu angut ujaaraat

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq