Angut Nuummi ukioq manna februaarimili tigummigallagaavoq. Assi: Pressefoto/Rigspolitiet

Angut meeqqamik kinguaassiuutitigut atornerluisarsimasutut pineqaatissinneqartoq

Angut 40-t sinnerlugit ukiulik inersimasumik pinngitsaaliilluni atoqateqarsimasoq meeqqamillu kinguaassiutitigut ukiut qulit ingerlaneranni atornerluisarsimasoq tarnikkut nappaatilinnut Danmarkimi napparsimmavimmi piffissaligaanngitsumik inissinneqartussanngorpoq.

Angut 40-t sinnerlugit ukiulik, meeqqamik kinguaassiutitigut ukiut qulit ingerlaneranni atornerluisarsimasutut, tarnikkut nappaatilinnnut napparsimmavimmut piffisaligaanngitsumik inissinneqartussatut, Nunatta Eqqartuussisuuneqarfianit aalajangerneqarpoq. 

Inersimasumik pinngitsaaliilluni atoqateqarsimasutut aamma pineqaatissinneqarpoq, meeqqamillu kinguaassiutitigut atoqateqariaraluarsimasutut ukiukitsunillu assinik immiussanillu peqartutut pineqaatissinneqarluni.

Angut Nuummi ukioq manna februaarimili tigummigallagaavoq, Sermersuullu Eqqartuussisuuneqarfiani ukioq manna maajimi pineqaatissiineq suliareqqitassanngortinneqarsimalluni.

Angutillu unnerluussutigineqartuni tallimani pisuutinneqarnermi tarnikkut nappaatilinnut Danmarkimi napparsimmavimmi piffissaligaanngitsumik inissinneqarnissaa, Sermersuup Eqqartuussisuuneqarfiata aalajangerpaa.

Sermersuullu Eqqartuussisuuneqarfiata aalajangigaa Nunatta Eqqartuussisuuneqarfianit ataasinngormat aalajangersarneqarpoq.

Angut meeqqamik kinguaassiutitigut ukioq 2000-mit 2010-p tungaanut arlaleriarluni atornerluisarsimasutut taamaammat pineqaatissinneqarpoq. Angut meeqqamik kinguaassititigut pinngitsaaliilluni atoqateqarsimasutut ilaatigut pineqaatissinneqarpoq.

Angut pineqartoq angummik inuusuttumik kinguaassiutitigut Nuummi 2018-imi atornerluisimasutut aamma pineqaatissinneqarpoq, nakuuserneq aqqutigalugu angummik atoqateqarsimasutut pineqaatissinneqarluni.

Angummik inuusuttumik pinngitsaaliilluni atoqateqareernermi kingorna inoqatinik attaveqaatit aqqutigalugit ukiukitsumik kinguaassiutitigut atoqateqarniarsimagaluarpoq.

Meeqqamik atoqateqarniarsimasutut eqqartuussisuuneqarfimmit taamaammat aamma pineqaatissinneqarpoq.

Ukiukitsunik angerlarsimaffimmini assiuteqarlunilu immiussaateqartoq politiit misissuinerminni aamma paasivaat, tamannalu aamma pineqaatissinneqassutigalugu.

- Suliaq ilungersunarpoq alianarlunilu, Kalaallit Nunaannilu Politiit suliaq ilungersunartutut nalilerpaat, Martin Dahl Fuglsang, unnerluussisussaatitaasuneersoq, oqarpoq.

- Tarnikkut nappaatilinnut napparsimmavimmi piffissaligaanngitsumik maanna inissinneqassaaq. Atornerrlueqqqissannigikkuni pisariaqartumik tassani katsorsarnwqassaaq. Taamaammat eqqartuussut naammagisimaarpara, Martin Dahl Fuglsang oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat