Angut Maniitsumi aallaasersorsimasoq iperagaasoq

Angut 60-it aallartisimalernernani ukiulik Maniitsumi illumiit aallaasersornerata kingorna politiinit unnuaq tigusarineqarpoq.

Angutip tigummigallagaanissaanut tunngavissaqanngitsoq politiit naliliipput.

Angutip marlunngornermi ullup ingerlanerani iperagaanissaa politit naatsorsuutigaat.

- Politiit suliamik misissuinerat tunngavigalugu angutip inatsit tunngaviusoq naapertorlugu killisiorneqarnissaa tunngavissaqanngitsoq politiit nalilerpaat, taassumalu iperagaanissaa kissaatigalugu, politiit allapput.

Politiit ippassaq nalunaaqutaq unnukkut aqqanermut uissuumminartumik saaffigineqarput. Maniitsumi illumut aallaarpallattoqarsimasoq oqarasuaatikkut saaffiginnittup oqaatigaa.

Angut illup igalaavanit illoqarfiup tungaanut seqqorsimanerarneqarpoq.

AAMMA ATUARUK Maniitsumi politiit aallaasersorfiusumut ornigukkasuartut

Politiit pinasuartumik orniguttartui aallaasersortoqarnerani aggersarneqarput, politiillu isumaqatigiinniartartuat Nuummiit umiatsiarluni Maniitsuliarpoq.

Angut 60-it aallartisimaleranik ukioqartoq ullaaq manna tigusarineqarpoq.

Angulli iperagaagaluarluni aserorterisimasutut unnerluutigineqassaaq. Politiillu oqarnerat naapertorlugu inissiamut aseruisimavoq.

Angut pineqartoq inunnut allanut ulorianartorsiortitsisimanngitsutut politiinit nalilerneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat