Angut kalaaleq toqutsisimasutut pinngitsuutinneqartoq
Angut 19-inik ukiulik Vanløsemi angummik 35-nik ukiulimmik 2017-imi toqutsisimasutut pisuutinneqarluni Frederiksbergip Eqqartuussiviani eqqartuunneqarpoq.
Tamatumunngalu peqatigitillugu angut kalaaleq 57-inik ukiulik toqutsinermut peqataasimasutut unnerluutigineqartoq eqqartuussivimmit pinngitsuutinneqarpoq.
Unnerluussut naapertorlugu angut 35-nik ukiulik Vanløsemi Randbølvejimi inigisamini niaqqumigut timimigullu angutinit marlunnit 2017-imi decembarip sisamaani tilluarneqarkuni persuttarneqarpoq.
19-inillu ukiullip kingorna angut persuttagartik kuupiip nuugissortaanik niaquatigut anaasimavaa, taamalu pisoqarnerani unnerluutigineqartup aappaata niuisigut aaliangeqqasimallugu.
Taava angutip inuusuttup persuttagartik savimmik kapoorpaa, uppataata saamiatigut qitiatigullu marloriarlugu.
Angutip toqutaasup persuttarneqarnermini ajoquserineri katillugit 51-iupput.
Angutilli 57-inik ukiullip toqutsinermut peqataasimanera eqqartuussiviup uppernarsarneqarsinnaasorinngilaa. Suliamilu tamakkiisumik pinngitsuutinneqarpoq.
Angut kalaaleq eqqartuussinermi siullermi nassuiaavoq savimmik kapoorisoqarnerani inissiamiissinani.
Eqqartuussutip kingusinnerpaamik marlunngorpat nalunaarutigineqarnissaa naatsorsuutigineqarpoq.
/ritzau/
