Angut Itillimi umiatsiaaqqamik ajutooreernermi kingorna ajunaartoq
Sisimiut kujataatungaanni angut umiatsiaaqqamik sapaatip akunnerata naanerani ajutoornermi kingorna toquvoq.
Itillip eqqaani angut kangerlummiittoq siumorneqareersorlu, politiit ippassaq marlunut tanneq pingasut qaangilaaraa nalunaarfigineqarput.
Politiit oqartussaasullu allat SAR-imik annaassiniarnermik ippassaq ataasinngornermi ullaap tungaani aallartitsipput, angutip siumorneqartup, aniguisup, arfininngornermili ajutoorsimallutik politiinut oqaluttuarisinnaasimagaa, Kalaallit Nunaanni Politiini sillimasut pisortaat Siimuut Dahl oqarpoq.
Inuk toqusimasoq, sillimasut pisortaat ilisimatitsivoq.
- Qanigisaasut paasitinneqareerput innuttaasullu oqaloqateqarnissaminnik pisariaqartitsissappata kommunimi ikiuigasuartartut suliartortinneqarput, sillimasut pisortaat oqarpoq.
Ajutoornermi suna pissutaanersoq paasiniarlugu pisoq politiinit suli misissuiffigineqarpoq taamaammat politiit suli sumiiffimmiipput.
Politiit suliamut atatillugu massakkumuugallartoq annerusumik oqaaseqarsinnaanngikkallarput.
