Angut toqutsisoq, arnamik 62-inik ukiulimmik toqutsinermi nalaani 18-inik ukioqarpoq.Assi: Pressefoto/Rigspolitiet

Angut inuusuttoq toqutsimasutut toqutseriarsimasutullu ukiuni qulingiluani pinerluuteqarsimasunut inissiisarfimmiittussanngorlugu eqqartuunneqartoq

Arnamik Narsarsuarmi siorna marsip qaammataani toqutsisoqarnera eqqartuussinermi ullumi inernilerneqarpoq.

Angut inuusuttoq marsip qaammataani 2020-mi arnamik toqutsisimasutut arnamillu allamik toqutseriaraluarsimasutut ukiuni qulingiluani

pineqaatissinneqarsimasunut inisissiisarfimmiittussanngorlugu Eqqartuussivik Kujallermi ullumi eqqartuunneqarpoq.

Unnerluussisup Martin Dahl Fuglsangip, suliamik eqqartuussivimmi suliassanngortitsisuussup, suliap inernera naammagisimaarpaa.

Eqqartuunneqartoq arnap toqutaasimasup inooqatigisimasaanut 100.000 koruuninik taarsiissasoq aamma aalajangerneqarpoq - tamatuma saniatigut toqutseriarnermi pinerlineqartumut 20.000 koruuninik taarsigassiisussanngortinneqarluni.

AAMMA ATUARUK Arnaq Narsarsuarmi toqusoq: 18-inik ukiulik tigummigallarneqartoq

Angut toqutsisoq, arnamik 62-inik ukiulimmik toqutsinermi nalaani 18-inik ukioqarpoq.

Pinerluttulerinermi inatsit naapertorlugu ukiut qulit sinnerlugit pineqaatissinneqarsimasunut inisissiisarfimmiittussanngortitsisoqarsinnaanngilaq.

Eqqartuussut tamanit akuerineqarpoq suliarlu maanna naammassineqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat