Angut inuusuttoq Tiniteqilaami arfininngormat ullaassakkut aallaasersortoq, Qasigiannguanilu imminoriaraluarneq ataaseq imminornissamullu siorasaarisoq ataaseq.
Tassa sineriassuatsinni politiit suliassarisimasaasa ilaat.
Illoqarfinni allani inuit eqqissisimasorujussuusimasut politeeqarfiit nalunaarutigaat.
Angut inuusuttoq 22-nik ukiulik Tiniteqilaami arfininngormat ullaassakkut sisamanut tanneq arfineq-pingasut missaanni aallaasersormat Tasiilami politiit kalerrinneqartariaqarsimapput, qulimiguulimmillu orniguttariaqarsimallutik.
Angut inuusuttoq tigusarineqarpoq, pinerluttulerinermilu inatsimmi paragraf 64-imik unioqqutitsisimasutut pisuutinneqarluni. Tassa inunnik navianartorsiortitsimasutut pisuutinneqartoq, Tasiilami politiit ilisimatitsissutigaat.