Angut inuusuttoq Sisimiuni ikuattoqarneranut atatillugu tigummigallarneqartoq
Angut inuusuttoq Frederik den IX Pladsimi illumik ikuallatsitsisutut pasineqarluni ulluni 28-ni tigummigallagassanngortinneqarpoq.
Sisimiuni Politiit tusagassiuutinut taama allapput.
Pingasunngornerup unnuaani ikuallattoqarput, politiillu 04:31 nalunaarfigineqarput. Qatserisartut kalerrinneqarput ikuallattorlu ullaakkut arfernup missaani qaminneqarluni.
AAMMA ATUARUK Politiit Sisimiuni ikuallattoqarnerani takunnissimasussarsiortut
Illup ilua ikuallangaatsiarpoq paaterlunilu – qujanartumilli inunnik ajoqusertoqanngilaq.
Illu manna nutarterneqarpoq.
Angut inuusuttoq Sisimiut Eqqartuussiviani inatsit tunngaviusoq naapertorlugu ippassaq killisiorneqarpoq ullunilu 28-ni tigummigallagassanngortinneqarluni.