Angut inuusuttoq politiinit ujaarineqarpoq
![](/sites/default/files/styles/image_934x467/public/article_images/tasiilaq_4.jpg?itok=0D1viA23)
Umiatsiaaraq taanna ullaakkut inuttaqarani Tasiilap avatinnguani arfineq marlunut kaavittoq takuneqarpoq.
Angut inuusuttoq politiinit ujaarineqartoq maqaasineqartutut suli nalunaarutigineqanngitsoq, Tasiilami politeeq Erik Lauridsen oqarpoq.
- Angut inuusuttoq angallateerarsorsimasinnaasoq ujaaralugu tusagassiuutinut nalunaarpugut, maannamulli suli kinguneqanngitsumik. Inunnik maqaasineqarsimasinnaasunik saaffiginnissuteqartoqaraangat, taakkua alakkaraangatsigit taakku nunaqarfimminiittut naammattoortarpagut. Taamaammat pisumut ilisimasavut suli amigarput, Tasiilap politiivinit Erik Lauridsen taama oqaluttuarpoq.
Umiatsiaaraq inuttaqarani kaavittoq politiinit aaneqarmat, iluani angutip ujaarineqartup aaqqatai qernertut, arsaa aappaluttoq qaqortortalik dunkiutaalu benziinaasivik nanineqarput.
Angutip umiatsiaaraq qimaannarlugu nunamut niusimassasoq, Tasiilami politiit ilimagaat.
Politiit neriupput, angut taanna nammineerluni politiinut saaffiginnikkumaartoq, ujaasineq taamaasilluni unitsinneqarniassammat.