Angut inuusuttoq Kujataani Politiinit ujarneqarpoq

Ujarneqartoq tassaavoq, angut inuusuttoq 21-nik ukiulik, Eskia Semsen Kristiansen, kingullermik takuneqartoq nunaqarfimmi Alluitsup Paani nuannaffik qimakkaa.

Kujataani Politiit ilimagaat Eskia Semsen Kristiansen umiatsiamik nunaqarfimmiit aallarsimassasoq.

Eskia Semsen Kristiansen qernertunik nujaqarpoq, 170 centi meterisut angitigaluni.

Kingullermik takuneqarami qasertunik arpaatinik qarleqarpoq kavaajaqarluni meqqilimmik Canada-Goose-mik.

Umiatsiaq, Eskia Semsen Kristiansenip atorsimasinnaasaa, qaqortumik qalipaateqarpoq sinaatigut aappaluttunik titarniusaqartoq, 15-inik 20 fodsitut takitigisoq Marinerimik 100 hestekræfte-limmik motoreqartoq.

Eskia Semsen Kiristiansenip sumiissimasinnaaneranik ilisimasaqartut, Kujataani Politiinut imaluunniit Nanortalimmi Politiinut nalunaaqquneqarput oqarasuammut, 70 11 23 tassa 70 11 23.