Angut inuartutut pasineqarpoq
Angut 40-kkunni ukiulik Nuummeersoq inuartutut pasineqarluni tigummigallangaasoq, Politimestereqarfimmi unnerluussissuserisoq Anne-Sophie Lohse oqarpoq. Angut angummik 62-inik ukiulimmik inuartutut pasineqarpoq. Angutip 62-inik ukiullip timaa Blok P-imi inissiat ilaanni ippassaq nassaaarineqarpoq.
KNR-imut paasissutissiissutigineqartut naapertorlugit angut 62-inik ukiullip timaata nassaarineqarneranit akunnerit pingasut qaangiutiinnartut pasineqartoq politiinit tigusarineqarpoq.
Nuup eqqartuussiviani angut pasineqartoq inatsit tunngaviusoq naapertorlugu matoqqasumik ullumi killisiorneqarpoq.
Angut pasineqartoq sapaatip akunnerini sisamani tigummigallarneqassaaq. Politiit suliaq pillugu itinerusumik sapaatip akunnerini sisamani misissueqqissaassapput. Angut pasineqartoq inuartutut nassuersimanersoq Anne-Sophie Lohse oqarusunngilaq.