Angut Ilulissani pineqaatissinneqarsimasunut inissiisarfimmit qimaasoq

Angut nalunngikkaanni sumiinnersoq, politiinut attaveqaqquneqarpoq.
Jens Kruse takuneqaraluarpat piaartumik politiinut attaveqartoqassavoq kaammattuutigineqarpoq, tigusarinninniartoqassanngitsorlu. Assi © : KNR
oktobarip 11-at 2020 14:58

40-nik ukiulik Jens Kruse, Ilulissani pineqaatissinneqarsimasunut inissiisarfimmiit arfininngornermi qimaavoq.

Angut ippassaq nalunaaqutaq tallimat eqqaani qimaavoq, politiit sumiinnersoq ilisimanngilaat.

Imatullu allaaserineqarpoq:

Angut 40-nik ukiulik, 170 175-cm.illu akornanni angissuseqarpoq, tuattoq/nalinginnaasoq inissiisarfimmiit qimaammat qernertunik qarleqarpoq, tungujortumillu taartumik Adidasimik meqqilimmik nasaasalimmik tujuuloqarpoq.

Angut takuneqarpat sumiinnersorluunniit ilisimaneqarpalluunniit, politiit attavigeqqupput.

- Ilisimatitsissutigissavarput, pineqaatissinneqarsimasunut inissiisarfimmiit qimaasumut ikiuussimagaanni inatsisinik unioqqutitsisimasutut eqqartuussaanermik kinguneqarsinnaavoq, Kalaalli Nunaata politiivisa pigaartut pisortaat, Julie Senderovitz Bendtsen oqarpoq.

Jens Krusemullu takunnittut tigusarinninniarsarinatik politiinut piaartumik attaveqaqquneqarput.