Pornomik akiniuteqarneq eqqartuussivitsigut Nunatsinni suliat siullersaasa ilagaat.

Angut atoqatigiinnermit assilisanik siammarterinini pissutigalugu inissinneqartussanngortinneqartoq

Nunatta Eqqartuussisuuneqarfiata angut 24-nik ukiulik meeqqamik ukiukitsumik atoqartumik assilisamik siammarterisimasutut eqqartuullugu, piumasaqaatitanngitsumik ulluni 40-ni pinerluuteqarsimasunut inissiisarfimmiittussanngortippaa.

Angut Nuummeersoq 24-nik ukiulik, pinerluttulerinermik inatsimmi §85-imik unioqqutitsisimasutut unnerluutigineqartoq, Nunatta Eqqartuussisuuneqarfianit sapaatip-akunnerata siuliani aalajangiiffigineqarpoq. Meeqqamik ukiukitsumik atoqateqartumik assilisanik siammarterisimasutut 2017-imi unnerluutigineqarpoq.

Unnerluutigineqartup niviarsiaraq siornatigut aapparisimavaa, atoqatigiinnertillu videoliarigaa niviarsiaqqap ilisimasimavaa. Niviarsiaraq 15-inik taamanikkut ukioqarpoq.

Aappariit qimammata angutip videoliat marluk nittartakkamut pornomut tunngasumut inississimavai, niviarsiaqqap atoqatigineqarnera takuneqarsinnaalluni.

Angut inuusuttoq najukkami eqqartuussivimmi pinngitsuunerarpoq, pinerluuteqarsimasunulli inissiisarfimmut ulluni 40-ni inissinneqartussanngortinneqarluni, soorlu aamma niviarsiaqqamut 10.000 koruuninik taarsiisussanngortinneqartoq. Angutip suliaq Nunatta Eqqartuussisuuneqarfianut suliareqqitassanngortippaa.

Angutilli inuusuttup pinerluuteqarsimasunut najukkami eqqartuussivimmit inissiisarfimmiittussanngortinneqarnera nunatta eqqartuussisuuneqarfiata ukioq manna aggustip ulluisa 28-anni atuuttussanngortippaa, taarsiissutissallu 20.000 koruuninut qaffanneqarlutik.

Nunatsinni suliat siulliit ilagigaat

Pornomik akiniuteqartartut pillugit eqqartuussivitsigut Nunatsinni suliat siullersaat ilaat taamaasilluni naammassineqarpoq.

Emil Maegaard-Hoffmann, unnerluussisussaatitaanersuneersoq tassunga atatillugu ima oqarpoq:

- Suliap taama inerneqarnera iluaraarput. Najukkami eqqartuussiviup, nunattalu eqqartuussisuuneqarfiata taamaasillutik erseqqissumik aalajangerpaat videolianik taamaattunik siammarterineq pinerluffigineqartumut narrunarsaalluinnartuusut, taamatullu siammarterineq pinerluuteqarsimasunut inissiisarfimmut inissiinermik kinguneqartartoq, unnerluussisussaatitaasuneersoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat