Angut, arnaq meerarlu Ammassivimmi ikuallannermi toqupput
Ammassivimmi, Qaqortup kujataaniittumi, tallimanngormat illu ikuallammat inuit pingasut ajunaarput. Ikuallatitsisimasutut pasisaq angut politiinik tigusarineqarpoq, vicepolitimesteri Morten Nielsen paasissutissiivoq.
Allattoq Apollo Jeremiassen
Angut, arnaq meerarlu ikuallannermi toqukkut qimagupput. Taakku illuminni namminneq sanaaminni najugaqarput.
Illu sooq ikuallassimanersoq politiit suli nalugallarpaat, paasiniaanerli aallartereersoq vicepolitimesterip Morten Nielsenip erseqqissarpaa.