Biilinik aquttoq sapaatip akunnerata naanerani tigusarineqarpoq, politiillu aporsisoqarneranik takunnissimasut attavigerusuppaat. Toqqorsivimmit assiAssi: KNR

Angut aporneqarsimasoq politiinut saaffiginnittoq

Takunnissimasut nassuiaateqarnerat naapertorlugu angut aporneqarami meterialuit silaannakkut igeriunneqarpoq aqqusermullu tulluni. Angut taanna Nuummi politiinut nammineq saaffiginnippoq.

Nuummi Politiit angummik Nuummi Aqqusinersuarmi blok 4-p 5-illu akornanni arfininngornermi aporneqartumik sapaatip akunnerata naanerani ujaasipput.

Angut biilinit sukkalisaartorujussuarmit aporneqarami meterit arlaqartut silaannakkut igeriussaavoq, aqqusinermullu tulluni. Angut nammineerluni ingerlasimavoq, naatsorsuutigineqarporlu timimigut nissumigullu ajoqusernermigut anniassasoq. 

Angut taanna Nuummi Politiinut nammineq saaffiginnippoq ullumilu apersorneqarumaartoq, politiit tusagassiuutinut nalunaaruteqarlutik allapput.

Biilinik aquttoq sapaatip akunnerata naanerani tigusarineqarpoq, politiillu aporsisoqarneranik takunnissimasut attavigerusuppaat.

Aporsisoqarneranik suliaq suli misissuiffigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat