Angut altanimiit iginniarlugu siorasaarpaat
Sapaatip akunnerata naanerani inuit arlallit angut angerlarsimaffianut blok N-imuti ornippaat tassanilu nakuuserfigalugu. Inuit sisamat nakuusersimasutut pasineqarlutik Nuummi Politiiniit tigusarineqarput.
- Pinerluffigineqartoq persuttarneqarnermini niaqumigut, kiinnamigut aamma timimigut arlalinnik ajoquserneqarpoq, Nuup Politiini vicepolitikommissæri Erik Lynge Rasmussen ilisimatitsivoq.
Pinerluttut angut nakuuserfigineqartoq inissiarsuit blok-it ilaanninngaanniit iginniarlugu sioorasaarsimavaattaaq. Tamatuma kingunerisaanik inuit sisamat nakuusersimasutut pasineqarlutik tigusarineqarput unnerluutigineqarlutillu. Nuummi Eqqartuussivimmi sassartinneqarput:
- Inuit pingasut tigummigallarneqarneqarnissamut aalajangiineq akueraat, sisamaatali aalajangiineq Nunatta Eqqartuussivianut suliareqqitassanngortippaa iperangaanissani piumasaralugu, Nuummi Politiit ilisimatsitsipput.
Nuummi sapaatip akunnerata ingerlanerani nakuusersimanermut tunngatillugu nalunaarutigineqartut arfineq marluusut Nuummi Politiit ilisimatitsipput.
