Angut aapparminik toqutsisutut pasineqarluni tigusarineqartoq
Nuummi Sana-tårneni Dronning Ingridip aqqutaani arnaq toqungasoq sapaatip akunnerata naanerani nassaarineqarpoq. Tamatumunnga atatillugu Nuummi politiit toqutsisoqarsimasinnaaneranik misissuipput.
Arnap aappaa arnamik toqutsisimasutut pasineqarluni tigusarineqarpoq ullunilu 16-ini tigummigallarneqartussanngorluni.
- Suliaq toqutsisoqarsimasutut suliaraarput, piareersimasut pisortaat Carl Sværd oqarpoq.
Nuummi politiit suliamut tunngatillugu misissuinerminni Danmarkimit nakorsanik toqusunik misissuisartunik ikiorneqarput. Politiit sapaatip akunnerata naanerani misissuinerminni aappariit najugaqarfigisaasa sanilii apersorneqarput suliamilu uppernarsaatissarsillutik, Carl Sværd paasissutissiivoq.