Ilulissat: Angut aallaammik qunusaarisoq suli tigusarineqanngitsoq

Ilulissani Politiit angut arnamut ataasinngornerup ullaassaani aallaammik ummiussilluni qunusaarisoq suli tigusarinngilaat. Aallaalli, magasin-eqaranilu imassaqanngitsoq, unnuami pisoqarfiusumi, pinerleeriarfiup eqqaani nassaarineqarsimavoq.

Angutip arnamut Ilulissani Mathias Storchip Aqqutaani inissiaqarfiit ilaanni ataasinngornerup ullaassaani nalunaaqutaq 01:30 aallaammik qunusaarisimasutut Ilulissani Politiit pasisaannut, angutip kinaassuserisinnaasaanik innuttaasut arlallit pasitsaassaqartut politiinut ataasinngornermi saaffigineqarsimapput.

Taama Ilulissani politikommissæriugallartoq, Palu Petersen, KNR-imut ilisimatitsivoq. Taassuma ilanngullugu ilisimatitsissutigivaa ataasinngornerup ullaassaani aallaat inissiaqarfiup pisoqarfiusup ungasinngisaani nassaarineqarsimasoq. Aallaallu arnamut ummiussisussaataasimavoq, arnallu umerneqarnermini makkorpallannernik arlalinnik tusaasaqarfigisaa, magasin-eqaranilu imassaqanngitsoq nassaarineqarsimavoq.

Ilulissani Politiit innuttaasunit angummik aallaammik qunusaarisimasutut pasisaminnut ilisarinnissaasut suli tusarfigerusuppaat. Angullu aallaasisaartoq kalaallisut isikkulittut, 170 - 175 centimeterisut angissusilittut, tungujortumik kavaajalittut, koorpunik qarlilittut aamma aappaluttumik imaluunniit orangeamik qalipaatilimmik teqqialimmik nasamik atugaqartutut nassuiarneqarpoq.

Ilulissani Politiit 70 14 22-mut attaveqarfigineqarsinnaapput.

AAMMA ATUARUK Arnaq aallaammik umerneqartoq

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat