Angut 69-inik ukiulik suli ujaarineqartoq
Angut 69-inik ukiulik Jens Emanuelsen suli ujaarineqarpoq. Angut taanna umiatsiaaqqaminik 14 fodsinik takissusilimmik aallartoq marlunngornermi kingullermik takuneqarpoq.
Allattoq Jaaku Lyberth
Jens Emanuelsen kingullermik takuneqarami tungujortunik taartunik atallaaqarlunilu nasaqarpoq.
Umiatsiaaraq 14 fodsiusoq, 15 hk-millu motoreqartoq politiit nalunaarutigaat. Jens Emanuelsen umiatsiaaqqamini VHF Radioqarnersoq, GPS-eqarnersoq allanilluunniit atortorissaaruteqarnersoq ilisimanngilaat.
Innuttaasut Jens Emanuelsenimik takunnissimasut qinnuigineqarput politiinut 70 14 48-mut attaveqaqqullugit.