Angut 64-inik ukiulik qatanngutiminik toqutsisimasutut eqqartuunneqartoq
Toqutsineq Ilulissani 2018-imi becembarimi pivoq, suliassarlu Qaasuitsup Eqqartuussiviani suliarineqarnikuuvoq.
64-inik ukiullip qatanngutini qoorortuumik aallaasimallugu tassani nassuerutigaa, eqqartuussiviullu pinerluttuliorneq ukiuni tallimanik qaammatinilu arfinilinni pinerluttuliortut inissisisarfianniissutigissagaa nalilerpaa.
64-inik ukiullip toqutsinera sioqqutilaarlugu qatanngutaasumit persuttagaasimanera pineqaatissiinermut annikillisitaasutut eqqartuussiviup nalilerpaa.
Tamanna unnerluussisussaatitaasup naammaginngilaa taamaattumillu eqqartuussut Nunatta Eqqartuussiviannut suliareqqatassanngortillugu:
- Unnerluussisussaatitaasup paasinninnera malillugu aatsaat immikkuullarissumik pisoqaraangat, inummik toqutsisoqaraangat ukiut arfinillit aallaavigalugit pineqaatissiineq annikinnerusoq eqqartuussutaasinnavoq, unnerluussisutut fuldmægtigi Emil Maegaard-Hoffmann oqarpoq nangillunilu:
- Uagut isumarput malillugu uani suliassami annikillisaassutissaqanngilaq, taamaattumik eqqartuussiiviup aalajangiinera Nunatta Eqqartuussivianut suliareqqitassanngortipparput.
Taamatut naliliineq Nunatta Eqqartuussiata isumaqatigisimagunaramiuk pinerluttuliortut inissiisarfianniinnissaq ukiunut arfinilinnut sivitsorpaa.
- Nunatta Eqqartuussiviata unnerluussisussaatitaasup suliassami naliliinerani isumaqataammat naammagisimaarpara, Emil Maegaard-Hoffmann oqarpoq.