Niviarsiaraq arfinilinnik ukioqartorli kinguaassiuutitigut kannguttaatsuliornerit aallartipput, massa niviarsiaraq 15-nik ukioqartoq ataatassaminit pinngitsaalineqartarnerminit naartulerpoq.

Angut 61-nik ukiulik pinngitsaaliisarsimasutut ukiuni arfinilinni parnaarussassanngortitaasoq

Angut taanna pinngitsuutinneqarusulluni nunatta eqqartuusiveqarfianut suliassanngortitsigaluarpoq, taarsiullugulu pineqaatissinneqarnera sivitsorneqarpoq.

Angut Sisimiormioq 61-nik ukiulik, ukiuni 16-ni panissaminut arlaleriaq pinngitsaaliisarsimasutut, pineqaatissinneqarluni ukiut arfinillit parnaarussassanngortitaavoq.

Kalaallit Nunaanni Politiit tusagassiuutinut taama allapput.

Niviarsiaraq arfinilinnik ukioqartorli kinguaassiuutitigut kannguttaatsuliornerit aallartipput, massa niviarsiaraq 15-nik ukioqartoq ataatassaminit pinngitsaalineqartarnerminit naartulerpoq.

Kinguaassiuutitigut kannguttaatsuliornerit Sisimiuni ilaqutariit angerlarsimaffianni nikerartuni pisarsimavoq, atsaallu 2017-mi unissimallutik. Ullumikkut arnaq taanna inersimasunngoreerluni ataatassani 2019-mi ukiassami politiinut unnerluutigaa.

Sivisunerusumik pineqaatissinneqartoq 

Angut ukiuni tallimani pisuutinneqarluni aamma eqqartuusaavoq, angulli 2021-p aallartinnerani Nunatta eqqartuusivianut pinngitsuutinneqarusulluni suliassanngortitsivoq.

Taamaattoqanngilarli -  akerlianik maajip sisamaani nunatta eqqartuusiveqarfiata taarsiullugu qaavatigut ukioq ataatsimik pineqaatinneqarnera ilavaa.

Mads Schønning Frandsen suliami unnerluussisuuvoq, taanna oqarpoq:

- Meeqqanik innarliisoqarsimatillugu suliaq ilungersunarlunilu alianartuaannarpoq. Suliami uani,  meeqqanut kinguaassiuutitigut innarliisarneq ilungersunartorujussuartut isigisariaqarnera, Nunatta eqqartuusivia unnerluussisumut isumaqataasoq oqaatigisinnaavara, unnerluussisuunneq Mads Schønning Frandsen oqarpoq.

Ukiuni arfinilinni parnaarussinermik pineqaatissiineq unnerluussisumit naammagineqarpoq, nunatsinnimi sivisunerpaamik ukiuni qulini eqqartuussisoqarsinnaammat.

Eqqartuussaq januari 2021-mili tigusaanerminiilli politiinik suli tigummigallagaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat