Angut 52-inik ukiulik kalaaleq Hobro-mi eqqartuunneqartoq
Angut 52-inik ukiulik kalaaleq Danmarkimi illoqarfiit ilaata Hobrop eqqartuussiviani ukiuni pingasuni parnaarussassanngortinneqarpoq.
Angutip arnaq 32-inik ukiullik toqqusaavatigut tuiatigullu savimmik kapisimavaa. Arnap angerlarsimaffiani Aalestrupimi apriilip ulluisa 13-anni tamanna pivoq.
Pineqaatissinneqartup arnaq ilisarisimavaa, taamaakkaluartorli eqqartuussinermi savimmik kapisinermut suna pissutaasimanersoq qulaajarneqarsinnaasimanngilaq.
Eqqartuussinerup allaaserineqarnera atuarlugu arlaannaalluunniit imigassartorsimanngilaq. Pineqaatissinneqartoq pisuunnginnerartuarsinnarpoq eqqartuussiviullu aalajangernera Danmarkimi landsretimut suliassanngorteqqippaa.